தல-தளபதி சந்திப்பு!பின்னணியில் மனைவிகள்!

சென்னை நீலங்கரையில் உள்ள விஜய் வீட்டிற்கு மனைவி ஷாலினியுடன் அஜித் சென்று வந்தது இரண்டு நட்சத்திர நடிகர்களின் ரசிகர்களுக்கிடையே ஆச்சரியத்தை ஏற்படுத்தி இருக்கிறது.

"ராஜாவின் பார்வையிலே" படத்தில் தான் 'தல' அஜித் 'தளபதி' விஜய் ஜோடி சேர்ந்து அரிதாரம் பூசினார்கள். அதன் பிறகு இரண்டு பேருமே தனி தனி ரூட்டில் வெற்றி கொடி கட்டினார்கள்.

எம்.ஜி.ஆர்.-சிவாஜி , ரஜினி-கமல் வரிசையில் விஜய்-அஜித் ஜோடி இடம் பிடித்தது. இரண்டு பேருமே வசூலை அள்ளி குவித்தனர். விஜய் ...தளபதி ஆனார். அஜித்...தல என பட்டம் சூட்டப்பட்டார்.

அதன் பிறகு வழக்கமான ரசிகர் மன்ற மோதல்கள் உண்டாக்கின. போஸ்டர் யுத்தம் வெடித்தது. பண்ச் டயலாக் இரண்டு பெயரின் படங்களிலும் பொறி பறந்தன. தீனா படத்தில் தான் 'தல' பட்டம் சூட்டப்பட்டார் அஜித். அதில் தான் எதிர் வசனங்கள் ஆரம்பமானது. அதை தொடர்ந்து திருமலை படத்தில் விஜய் பேசிய வசனங்களில் நேரடி தாக்குதல் ஆரம்பமானது. அப்படி வாசன மோதல்கள் தொடர்ந்ததால் தல-தளபதி ரசிகர்களும் திரை அரங்குகளில் மோதி கொண்டனர். இந்த மோதல் இரண்டு நடிகர்களுக்குமே வசூல் ரீதியாகவும் கை கொடுத்ததால் அதை ஓரளவிற்கு வளர்த்து விட்டார்கள் சினிமாகாரர்கள். இரண்டு பேரும் பொது இடங்களில் சந்திப்பதும் இல்லை என்பதால் ஒரு இடைவெளி உண்டானது.

இப்படி ஒரு சூழலில் நடந்த சந்திப்பு என்பதால் சாதாரணமான செய்தி என்றில்லாமல் ஸ்பெஷல் செய்தி என்றகி விட்டது. எப்படி நடந்தது இந்த சந்திப்பு என விசாரித்தால் ...ஷாலினி & சங்கீதா ஜோடி தான் காரணம் என்கிறார்கள். திருமண வீடு ஒன்றில் சந்தித்து கொண்ட ஷாலினியும், சங்கீதாவும் நண்பிகள் ஆனார்கள். இந்த நட்பு பிறகு போன் மூலம் வளர்ந்து ...நெருக்கமனதாம். நேரம் கிடைக்கும் போதெல்லாம் மனைவிகள் இரண்டு பேரும் தங்கள் கணவர்களிடம் அந்த நட்பை வெளிப்படுத்தி இருக்கிறார்கள்.

இரண்டு குடும்பமும் சந்திக்கலாம் என்ற ஐடியாவை ஷாலினி சொல்ல உடனே சங்கீதாவும் தளபதியிடம் நேரம் கேட்டிருக்கிறார். இந்த சமயத்தில் தமிழக அரசு திரைப்பட விருது வழங்கும் நிகழ்ச்சிக்கு வந்த அஜித்-விஜய் இருவருக்கும் அருகருகே சீட் போடப்பட்டிருந்தது. அப்போது இரண்டு பேருக்கும் இடையே புரிதல் உண்டாகி இருக்கிறது. அதனை தொடர்ந்து தான் கர்பிணியாக இருக்கும் மனைவி ஷாலினியை அழைத்து கொண்டு விஜய் வீட்டிற்கு சென்றாராம் அஜித். வாசல் வரை வந்து வரவேற்றது விஜய்-சங்கீதா ஜோடி. இரண்டு குழந்தைகள் பெற்ற அனுபவத்தில் ஷாலினிக்கு சில அட்வைஸ் கொடுத்தாராம் சங்கீதா. விரைவில் திருவான்மியூரில் ஈள்ள அஜித் வீட்டிற்கு விஜய் தம்பதிகள் செல்வார்களாம். தமிழ் நாட்டில் அரசியலில் தான் எதிர் துருவங்கள் சந்திப்பதில்லை. சினிமா நாயகர்கள் நல்ல முன் உதாரணம் ஆகட்டும். தல தளபதி ரசிகர்களும் கை குலுக்குங்க!